✍?Чаа чылда кандыг-даа албан-дужаалдыг кижи Соок-Ирей болуп, уругларга хуулгаазын тоолду сөңнеп болур кайгамчыктыг үе.

“Соок-Ирейниң маршруду” деп чарлаан акцияның чоруу-биле ТР-ниң Дээди Хуралының депутады Алдын-кыс Конгар, Тываның Камбы-Ламазы Гелек Нацык-Доржу Башкы Барыын-Хемчик кожууннуң Өг-бүлеге болгаш уругларга социал дуза чедирер төвүнге аалдап четкен. Хүндүлүг аалчылар уругларга ээлчеглиг 100 чигирзиг белекти сөңнээн.

Мооң мурнунда депутат төпке кээп, “Күзелдер шивизинден” уругларның ында азып кааны дөрт күзелин боттандырары-биле кезип алган турган. Бо удаада ол уругларның күзээн белектерин база тывыскан. Карактарында өөрүшкү долган уруглар аалчыларынга өөрүп четтиргенин илереткен.